మునగాకు లడ్డు వెరి గుడ్డు..!

మునగాకు లడ్డు వెరి గుడ్డు..! - గోళ్లు, జుట్టు సమస్యలకు చెక్ - ఎలా పనిచస్తుందంటే..? దర్శిని డెస్క్ : వంటకాలకు ఉపయోగించి మునగ ఆరోగ్యానికి బాగా పనిచేస్తుందని నిపుణులు చెబుతున్నారు. మునగాకుల్లో విటమిన్ ఎ, సి లతో పాటుగా విటమిన్ బి కాంప్లెక్స్, అమైనో యాసిడ్స్‌, జింక్, క్యాల్షియం, ఐరన్‌, కాపర్‌, పొటాషియం, సిలికా, మెగ్నీషియం, మాంగనీసు, ఒమేగా-3, ఒమేగా-6 ఫ్యాటీ ఆమ్లాలు ఉంటాయని నిపుణలు చెబుతున్నారు. ఇవి చర్మం, జుట్టు, గోళ్ల ఆరోగ్యంగా ఉండటానికి ఎంతో సహాయపడతాయని నిపుణులు చెబుతున్నారు. రోజురోజుకు మారుతున్న జీవనశైలితో పాటుగా ఆహారపుటలవాట్లు, కాలుష్యం కారణంగా చాలామంది మహిళల్లో జుట్టు రాలడం, గోళ్లు పొడిబారడం లాంటి సమస్యలు వస్తుంటాయి. ఇలాంటి సమస్యలకు సహజసిద్ధమైన పదార్థాలతోనే చెక్‌ పెట్టవచ్చంటున్నారు నిపుణులు. ఈ నేపథ్యంలోనే ప్రముఖ పోషకాహార నిపుణురాలు, సోషల్ మీడియా ఇన్‌ఫ్లుయెన్సర్‌ 'సిమ్రత్‌ కథూరియా' మునగాకుతో చేసిన లడ్డును తినడం ద్వారా జుట్టు రాలే సమస్యను తగ్గించవచ్చని చెబుతున్నారు. ఈ లడ్డు జుట్టు, గోళ్ల ఆరోగ్యానికి మేలు చేస్తుందంటున్నారు. ఆరోగ్య ప్రయోజనాలు కొబ్బరి పొడిలో ఆరోగ్యకరమైన కొవ్వులు అధికంగా ఉంటాయని నిపుణులు చెబుతున్నారు. కొబ్బరి జుట్టు, గోళ్లకు పోషణ అందించడంతో పాటు హైడ్రేట్‌గా ఉంచడానికి సహాయపడుతుంది. పిస్తాలో బయోటిన్‌, విటమిన్‌-'ఈ'తో పాటు ఒమేగా-3, ఒమేగా-6 ఫ్యాటీ ఆమ్లాలు మెండుగా ఉంటాయని నిపుణులు చెబుతున్నారు. ఇవి జుట్టు కుదుళ్లను దృఢంగా చేసి, పెరుగుదలను ప్రేరేపించడంలో సహాయపడతాయంటున్నారు. కిస్‌మిస్‌లో ఐరన్‌, యాంటీ ఆక్సిడెంట్లు అధికంగా ఉంటాయని నిపుణలు చెబుతున్నారు. లడ్డూ తయారీకి కావాల్సిన పదార్థాలు : గుమ్మడి గింజలు - 1/3 కప్పు పిస్తా గింజలు - 1/3 కప్పు కొబ్బరి పొడి - 2/3 కప్పు మునగాకు పొడి - 2 టేబుల్‌ స్పూన్లు యాలకులు - మూడు కిస్‌మిస్‌ - 3/4 కప్పు తయారీ విధానం ఇలా... మొదట ఒక కడాయి తీసుకోవాలి. అందులో కొబ్బరి పొడి, పిస్తా గింజలు, గుమ్మడి గింజలు వేసి వాటిని దోరగా వేయించాలి. అనంతరం కిస్‌మిస్‌ని కూడా దోరగా వేయించుకోవాలి. వీటన్నింటిని మిక్సీ బౌల్‌లోకి తీసుకుని మునగాకు పొడితో పాటుగా యాలకులను జత చేసి మిక్సీ పట్టుకోవాలి. అలా వచ్చిన మిశ్రమాన్ని ఉండల్లా చేసుకుంటే లడ్డూలు రడీ అయినట్లే. ఈ లడ్డుని రోజుకు ఒకటి చొప్పున తీసుకుంటే ప్రయోజనం ఉంటుందని నిపుణులు సూచిస్తున్నారు. NOTE :  మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది. ఇదికూడా చదవండి... https://www.dharshininews.com/30448/